منتدى الفرح المسيحى

منتدى الفرح المسيحى (https://www.chjoy.com/vb/index.php)
-   الأسرة والطفل (https://www.chjoy.com/vb/forumdisplay.php?f=109)
-   -   وقت الزنقة (https://www.chjoy.com/vb/showthread.php?t=588286)

walaa farouk 12 - 10 - 2018 11:26 AM

وقت الزنقة
 
https://upload.chjoy.com/uploads/153934345567321.jpg

باينة قوى انها كوميدية ..
ومادة خصبة ..
لكتابة اجمل تعليق ..

بس انا لما شوفتها ..
افتكرت حكاية بيت ..
بيتكرر فيه نفس الموقف ده ..

لانهم لما جابوا الطفل التانى ..
كان بالنسبة له وضع معتاد ..


خلاص فرحنا ..
وخلاص جربنا حاجات كتير ..
وعرفنا التعب اللى موجود ..
فى كل حاجة بنعملها له ..

فيطلع الطفل التانى ..
قادر يميز قوى ..
مين بيهتم بيه ..
ومين كل ما يروح له يلاقيه مشغول ..


ولأن الطفل الاول ..
بيبقى اتعود ع الاهتمام ..
فتلقائى بيهتم من قلبه ..

وتبقى النتيجة ..

بابا فى الشغل ..
ماما مشغولة او ساعات "مش مهتمة قوى "


ويتحول مصدر الامان ..
والشبع النفسى ..
للاخ الاكبر او الاخت الكبيرة ..
اللى هو اصلا لسة محتاج يشبع ..

تلاقيهم يلعبوا سوا ..
ياكلوا سوا ..
يناموا سوا ..


وممكن لو حد ضايقه من الاب او الام ..
يجرى على اللى دايما معاه ..

ولو خاف ..
يدور عليه فى اى مكان ..
حتى لو فى الحمام ..


ولأن الاتنين اهم حاجة عندهم ..
انهم يبقوا مع بعض ..
تبقى النتيجة ..
مش مهم المكان ..
ومش مهم الشكل ..
المهم نبقى مع بعض ..


الصورة تضحك فعلا ..
بس مانا ماعرفتش اضحك ..
لأنى شوفت المنظر ده ..
فى موقف ما يضحكش خالص ..


على فكرة ..
ان ولا بابالغ ولا كئيب ..
ولا باكبر الموضوع ..

بس الصورة دى فعلا ..
منبه لبيوت كتير ..
انا واثق ان فيها الوضع بالشكل ده ..


والكلام ده حقيقى جدااا ...

أمير تادرس

Mary Naeem 12 - 10 - 2018 12:17 PM

رد: وقت الزنقة
 
بس الصورة دى فعلا ..
منبه لبيوت كتير ..
انا واثق ان فيها الوضع بالشكل ده ..
مشاركة جميلة جدا
ربنا يبارك حياتك


walaa farouk 12 - 10 - 2018 10:22 PM

رد: وقت الزنقة
 
ميرسي على مرورك الغالى :)


الساعة الآن 01:21 AM

Powered by vBulletin® Copyright ©2000 - 2025