منتدى الفرح المسيحى - خريطة الوصول بالحب

خريطة الوصول بالحب ..الانبا انطونيوس مطران القدس
🍀 المحبة
❤❤❤
*المحبة لها مفعول السحر*
عاوز تغير حد ... *حبه*
عاوز تخلى حد يسمع كلامك ... *حبه*
عاوز تخلى حد ييجى الكنيسة ... *حبه*
عاوز تخلى حد يخدم معاك ... *حبه*
عاوز الناس يفرحوا لما يشوفوك .. *حبهم*
عاوز حد يضحى عشانك *حبه*
عاوز تنام مرتاح دايما قدم *محبة* مهما كان مقابلها
*المحبة*
هى أول كل حاجة
و بداية كل حاجة
و أصل كل حاجة
🌷صباح الخير لحد مش طايق يكلمك مش هاتخسرك كرامتك .
🌷كل سنة وأنت طيب فى عيد ميلاد حد مطنشك مش هاتجرح كبريائك .
🌷إزيك يا صاحبى لحد مش بيسأل عليك مش هاتعبر عن حاجة غير إنك أصيل و جواك روح ربنا
🌷ألف سلامة لصاحبك التعبان اللى مكلمتوش ليك فترة هتقصر مسافات كتيرة أوى.
🌷وحشتنى و وحشنى صوتك بتدوب كل رواسب المضايقات و العتاب
🌷خليك بسيط فى تعاملاتك
و قدم محبة بدون تفكير
🌷إفتقد الناس دايما بالمحبة هايتغيروا معاك و بيك.
🌷عمر ما المحبة ما ترجع فارغة أبدا مهما طال الزمن.. المحبة دايما بتعمل المستحيل.
*الموضوع حاتشوفه صعب فى الأول لكن بنعمة ربنا تقدر*
💖 أحبوا بعضكم بعضا كما أحببتكم ..
المحبه قوية كالموت.