منتدى الفرح المسيحى - يسوع مش بيكشر

https://upload.chjoy.com/uploads/153540679390681.jpg

ظلمتك يا حبيبى وفهمتك غلط
ظلمت الحب فيك وافتكرت فى يوم انك إله دماء
كنت افتكر انك عشت على الارض غضبان على الكل وقاسي
بسوط فى ايدك ماشي ليل ونهار بتجلد الغلطان معاك.
واللى مش هيتوب هتنزل عليه كبريت ونار . وهتجلده وتعاقبه بدل المرة مرات
افتكرت انك مكشر الوجه وانا علشان اكون مسيحى بجد اعيش بوش مكشر .

واكون جلاد لنفسي قبل غيرى . وان الحياة معاك كلها دموع واهات .
ظلمت الحب جواك لانى مكنتش اعرف يعنى ايه كلمه بابا يسوع

لكن مين اللى قال ان بابا يسوع كان غضبان ولا زعلان
. الحب كان على وشه مرسوم . ويوم ماعرفت الحب معاك شفتك بصوره تانيه جميله.
شفت ابتسامتك على وجهك منيره. شفتك بتبتسم فى وشى وبترسم احلى ابتسامه فى قلبى
.شفتك بتاخد الحزن وتبدله بفرح بتاخد كسرة النفس وتبدلها بعزه وكرامه .
الحياة معاك كلها فرح وسعاده وسلام مهما كانت الظروف حوالينا .
الحياة معاك ليها طعم تانى . طعم خلى الحلق حلاوة وملاه مشتهيات .
انت حليت ايامى كلها وجملت الدنيا حواليا رغم كل مافيها من اوجاع وآلام
بس الكلام معاك بيريح وبيشفى ويداوى ويعزى الحب فيك هو الفرح.