منتدى الفرح المسيحى - يسوع مر بنفس مشاعرك

https://upload.chjoy.com/uploads/153485314147381.jpg

الحزن جزء أساسي من طبيعتنا الإنسانية،
ناس بتنكره وتقاوح، وناس بتستسلم له بطريقة مخيفة،
وناس تانية وإن كانت الابتسامة مالية وشها،
لكن الحزن كاسرها من جوه
إنكارنا لمشاعرنا مش بيغيرها،
يمكن بيخلينا نهرب شوية لكن في الآخر بتفضل موجودة
، وبتظهر على حقيقتها من وقت للتاني
لمّا لعازر حبيب يسوع مات، الكتاب بيقول عنه إنه بكى،
بكى بالرغم من إنه كان عارف إنه هايقومه من الموت
الرب يسوع مر بالنوع ده من المشاعر
، وحزن لدرجة إنه قال:"نَفْسي حَزِينَةٌ جِدًّا حَتَّى الْمَوْتِ! "
اللي جرب الحزن ده، هو أكتر واحد يقدر يفهمه ويشاركك فيه
، ويقدر كمان زي ماقوّم لعازر من موته ينهيه
، ويدي بداله فرح عجيب، ماحدش يقدر ينزعه منك
إيه اللي مزعلك؟ احكيله عليه، هايشاركك فيه، ويبدله بفرح
#مشاعر
#الحزن