منتدى الفرح المسيحى - هو ايه الفرق بين ارادة ربنا وسماح ربنا ؟

هو ايه الفرق بين ارادة ربنا وسماح ربنا ؟
و هل ارادة ربنا ان الناس تموت وتتظلم؟
طيب ليه ربنا مش بيتدخل دلوقتى ؟ وهل تدخله هيكون بشكل مفهوم ليا ولا لا ؟؟
الاجابة :
مش كل حاجة بتحصل هى ارادة ربنا لكن كل حاجة بتحصل بسماح من ربنا .. يعنى ايه الكلام ده ؟
يعنى ارادة الله كلها خير لكن لان الله اعطى الانسان الحرية وبناء على هذه الحرية كل انسان هياخد اجرته حسب عمله خير كانت او شر ولو كان الانسان مجبر يبقى ما ينفعش يتحاسب على عمله
والفرق بين ارادة ربنا وسماح ربنا
ان ربنا مش عاوز القتل والسرقة لكن ممكن يسمح بيهم وبعدله مش هيسيب دمه المظلوم واكيد هيعاقب الظالم
طيب امتى؟
ربنا له مواعيده وطرق تدخله احنا كبشر لا نعرفها لكن كأبناء محبين لله نثق فى عمله وتدخله وانه فى الوقت المناسب بيدخل ويرفع الظلم عن كل حد مظلوم
ابونا بولس جورج