منتدى الفرح المسيحى - انتظر اللمسة التانية

https://upload.chjoy.com/uploads/1531863340881.jpg

كتير بنشكى اننا مش عارفين نشوف بوضوح أمور ربنا وحاسين بأرتباك

وعدم وضوح زى الاعمى ده شاف ناس زى الاشجار

بس بعد شوية شاف كل انسان جليا اى بوضوح وتمييز وانا

وانت نحتاج اليوم إلى تمييز صوت الله ورؤية أمور ربنا بوضوح
وهنا عايز اشارك خطوات بسيطة ربنا علمها لى
١ اخرج خارج القرية مع يسوع خلى يسوع ياخدك وحدك على انفراد بعيدا عن الزحمه والناس

اخرج بعيد عن كل أصوات اضطراب ودوشه وتشتيت ركز مع يسوع

٢ استقبل أول لمسه منه تخليك تشوف طشاش بس ما تفرحش بكده

وتجرى وانت طشاش كده و شايف صورة مش واضحه وتفضل تتخبط وبعد كده تشكى

.. اصبر .. اه اصبر ودى نمرة

٣ استقبل اللمسة التانية اه فى لمسة تانى فى نعمة تانى تخليك تشوف بوضوح ..

للاسف كلنا بنكتفى بأننا نخرج شوية مع يسوع ونرجع بسرعه

واحنا مش شايفين عمى زى ما احنا .. او نفضل شوية صغيرين

واول ما نحس بلمسه نجرى فرحانين حاسين اننا اخدنا حاجة

.. اه بس ده طشاش اهدء شوية لسه فى لمسه تانى تفتح توضح تكشف تخليك تشوف بجد
انتظر اللمسة التانية اطلبها استقبلها بايمان

٤ اشبع بيها ادخل البيت اوعى تروح تحكى للناس أول ما تاخدها يضيع طعمها ولذتها

.. اصبر قلبها جواك عمقها فيك خليها تفيض لوحديها على من حولك

خدها خبيها ذى الخميرة وسيبها تختمر جواك وتثمر رؤية واضحه وفهم عميق ...