منتدى الفرح المسيحى - تأثير خاتم الفرح

https://upload.chjoy.com/uploads/1530815758461.jpg

أمير شغال مع بسمة في نفس الشركة ,,, كل يوم بيتقابلوا و يتعاملوا مع بعض في إطار العمل ,

, مكنش في اي مشاعر إعجاب بين الأتنين ,, لكن فجأه اول ما بسمة أتخطبت ,

, أمير أبتدي يحس ناحيتها بإعجاب غريب ..
نرمين ساكنه قصاد عصام في نفس العمارة ,, كان عصام من فترة لمح لها انه معُجب بيها ,

بس هي مكنتش شايفه فيه اي عنصر للإنجذاب ,

, لكن بمجرد أن عصام أتعرف علي صديقة ليه معاه في الجامعة ,

بتقابلوا كل يوم الصبح و يروحوا الجامعة مع بعض .. نرمين أبتدت تنجذب لعصام ...
ليه ساعات , حاجات كتير بتبقي عادية بالنسبه ,

لكن بمجرد أن نفس الحاجات ديه تكون مصدر جذب لناس تانيه أو مع ناس تانيه

, تبقي علطول مصدر جذب لينا ؟!! الإجابة , موجودة في مقال لعالم النفس Ryan Anderson

علي موقع Psychology Today تحت عنوان Why We Want Most What Someone Else Already Has ,,

فحسب Ryan Anderson , الموضوع عامل زي واحدة ست دخلت كازينو , و لاقت راجلين ,

راجل قاعد لوحدة .. و راجل قاعد مع ست تانيه جميله بيهزروا و يتكلموا .

. فإي واحد من الراجلين دول حيكون بالنسبه للست ديه أكثر جاذبيه ؟! .

. الإجابه الراجل اللي قاعد مع الست ! .. و اللي بتسمي الـ Wedding ring effect (تأثير خاتم الفرح ) .

. الفكرة ببساطه ان العقل بيكون عاوز يلاقي ضمانات او دلايل عشان يحُكم علي شخصية اللي قدامة

,, و بمجرد وجود شخص تاني عمل قبل كده الخطوة ديه و قرر ان الشخصية ديه جذابه و تستحق ان الواحد يبقي معاها .. يبقي ده ضمان و دليل كافي , ان عقل يقول ان الشخص ده كويس ...
الـ Wedding ring effect , بيفسر ان ممكن واحد يكون مخطوب لواحدة و يسيبها

, لكن لما تتخطب لحد تاني او يحس انها بقت جذابه لحد غيره

, يبتدي يعيد تقيمها تاني في دماغه و يحس انه عاوز يرجع لها ... الـ Wedding ring effect

, بيفسر, ان ممكن واحده تشوف شخص ما فارس احلامها , او حد مينفعش يضيع منها ,

لمجرد وجوده مع حد غيرها , بالرغم من أن لو نفس الشخص ده غير مرتبط في اي علاقة عاطفية ,

مش حتفكر فيه من الأساس .. الـ Wedding ring effect , بيفسر برضة ,

شعور الأنسان برغبة الأنتقام لما يترفض في اي علاقة , فهو عاوز يوصل للشخص اللي رفضه انه خسر كتير لما قرر يبعد عن شخص رائع , جذاب , عليه قبول .. زيه ! , فالعقل عارف ان الأنسان بيحب اللي مع غيره !

المشكلة في الإنجذاب اللي بينتج من الـ Wedding ring effect ,

إنه إنجذاب مزيف و غير نابع من الأنسان نفسة , فأمير لما أنجذب لبسمة

, كان عشان خطيبها شاف في بسمه حاجه حلوة أمير مقدرش يشوفها ,,

نرمين لما غيرت نظرتها لعصام و حست بإعجاب من ناحيته

, كان عشان هي شافت حد غيرها مهتم بعصام و منجذبليه ...

فساعات كتير بنبني قناعتنا الشخصية علي أساس اراء و ميول ناس تانيه .

. عاملين زي الأطفال اللي في محل اللعب , كلهم بيركزوا مع اللعبة اللي غيرهم بيلعب بيها ,
و عاوزين يشتروها عشان غيرهم اشتراها ! مفكروش قبل كده , طب هل فعلا أحنا مُجبعين باللعبة ديه ؟! هل ديه فعلا اللعبة اللي حتبسطنا ؟؟!! .. و بننسي دايما , أننا مش أطفال ,,, و أن اللي بنحبهم مش لِعب