منتدى الفرح المسيحى - قرص بالسمسم صيامى

قرص بسمسم صيامى

https://upload.chjoy.com/uploads/152945783251.jpg

المقادير

(كيلو دقيق

- كوب زيت

-نص كيس بيكنج بودر

-نصف صباع خميرة

- 3معالق سكر كبيرة

- ذرة ملح -

ملعقة خل كبيرة -

سمسم محمص اختيارى

- ماء دافى للعجن)

الحشو
(سكر - قرفة - سوداني - زبيب -جوز هند )

الطريقة

1- انخلي الدقيق وحطى عليه البيكنج بودر والملح والسمسم المحمص

وقلبي كويس انزلي بالزيت وبسي العجين كويس

ودوبي الخميرة مع السكر وسيبيهم خمس دقايق كدة

وبعدين انزلى بيهم علي الدقيق حطى الخل واعجنى بالميه لحد ماتلم معاكى وايدك تبقي نظيفة
2- سيبيها تخمر ولما تخمر هبطيها وخمريها تانى
3- اعملى كور وبططى الكور ورشى عليها الحشو ولميها تانى

وبعدين تكونى مجهزة طبق فيه سمسم وسكر وشوية زيت

وتقلبيهم وتقومى غامسة الكورة في الخليط ده

وبعدين تبططيها وتسيبيها تخمر نص ساعه كدة وبعدين

عالفرن علي درجة حرارة متوسطة ولما تحت يحمر اقفلي الفرن وشغلى الشوايه