منتدى الفرح المسيحى - يسوع محتضن البشر ومشبع الجياع

https://upload.chjoy.com/uploads/1528316756981.jpg

حضنه يكفي ...................
ولما رأي الاب .. الابن الضال من بعيد ركض نحوه .. وقبله واحتضنه بحرارة (لوقا 15 )..
حضن مليان دفء وحنان ..
حضن بيقول مقبول رغم الاساءات ..
حضن يعوض كل حرمان ..
حضن يضمد جراح مدفونة ..
حضن فيه كرامة ونسيان للمذلة والهوان
حضن فيه شبع لا يعرف يعطيه شريك ولا صديق ولا صاحب ..
حضن يطرد المخاوف ويدي امان وسلام .
حضن يشطب علي صفحات فاتت ويكتب تاريخ جديد ..
حضن يعوض كل شعور بالتخلي والوحدة والخزلان ..
حضن بيقول صفحة جديدة اول كلمة فيها توبة وغفران ..
حضن بيقول في تعويض عن اللي اتسلب وضاع ..
حضن ينظم كل الهرمونات وكيمياء الجسم والمخ ويطلق صحة وشفاء ..
حضن يهدي القلب والاعصاب وينهي الاضطرابات ..
حضن بيدي طاقة ودفعة للمسير للامام للنجاح والاثمار ..
حضن بيقول انا امين معاك امبارح والنهاردة ولحد الممات ..
حضن مهما قلت فيه ,, احساس عجيب رهيب لازم تدوقه علشان تعرف طعمه بالعلاقة معاه ..............
#اعظم حضن .. حضن الاب السماوي
الله .. محتضن البشر ومشبع الجياع ,,,