منتدى الفرح المسيحى - ظهورات الشهيدة العظيمة فيلومينا العجائبية مفرحة القلوب

منتدى الفرح المسيحى (https://www.chjoy.com/vb/index.php)

- معجزات القديسين والقديسات (https://www.chjoy.com/vb/forumdisplay.php?f=37)

ظهورات الشهيدة العظيمة فيلومينا العجائبية مفرحة القلوب

https://upload.chjoy.com/uploads/1527290244021.jpg

تحكي صاحبة المعجزة وتقول : انا مريت بظرف صعب و هو موت الطفل ف بطنى و كنت ف الشهر التامن

. بعدها الدنيا اسودت ف عينى . بعد الموضوع ده بخمس شهور كانت فيلومينا مش كل الناس تعرفها و كانت جديدة على الناس و يدوبك الناس بتعمل لقصتها شير.
ف يوم حلمت حلم غريب جداا .حلمت انى كنت ف المطبخ و لقيت صورة فيلومينا و مارجرجس اطبعت على الحيطة و المطبخ نور .سألت جوزى قولتله انت إللى لزقت الصورة ديه هنا قال لى لا .
ف اللحظة ديه لقيت بنوتة ماشية ف الشقة و صرخت قولتله الحق ديه البنت إللى ف الصورة و جريت وراها اشوفها جاية بقولها انتى مين راحت سكتتنى و حطت ايدها على بطنى وفضلت تطبطب عليها . سألت نفسى اشمعنى مارجرجس معاها عرفت ان جسدها عنده ف الدير . بعدها على طول عرفت انى حامل ف نص الشهر الرابع و معايا دلوقتي كريستيانو ❤ شفاعتها تكون معانا 💕