منتدى الفرح المسيحى - امسك في نعمته

https://e.top4top.net/p_873zxsoz1.jpg

بولس كان في فترات كتير بيقلق وبيقوم فجأة من النوم وبيكون مش قادر ينام

لان بييجي في ذهنه الشباب والاطفال والشيوخ والسيدات اللي قتلهم في ماضيه

لما كان شاول ومش عارف هما الناس دول مصيرهم ايه دلوقتي ..

لدرجة انه قال انا بتصور ان الشيطان بيتسلل كل ليلة من نافذة السجن علشان يجيب لي الافكار دي ..

مهما كانت قامتك الروحية وقربك من الله ده مش هايمنع ان ذكريات الماضي المؤلمة تحاربك بشدة

.. مش هايمنع القلق والخوف علي المصير احيانا ..

لانك مهما كان انت لسه انسان ومازلت في الجسد .

. وكمان اهم رسالة قربك من ربنا مش هايلغي احساسك ومشاعرك المرهفة

لكن بالعكس ده هايزوده لاني للاسف

فيه الايام دي ناس روحيين مابقوش يحسوا بأتعاب الناس او يحسوا بالتعب اللي سببوه لنفوس

.. بولس كانت بتؤرقه الليالي في حصار مابين الحيرة والالم والشعور بالذنب

لكن بولس عرف الحل .. هو قال الشيطان يتسلل الي من النافذة ليحاربني بهذه المشاهد

لكني اسمع صوت الله يقول "تكفيك نعمتي" .
. لما تلاقي الافكار بتزحم ذهنك سواء جراح الماضي
او خوف من المصير او شعور بالذنب او حيرة في اتخاذ القرارات
.. امسك في الحل وقول تكفيك نعمتي
.. مفيش حل تاني غيرها امسك في نعمته هي الوحيدة اللي تقدر تعالج كل شئ