منتدى الفرح المسيحى - يابخت الشاكرين لأن لهم ملكوت السموات

https://upload.chjoy.com/uploads/1526207988951.jpg

عن شخص ابوه كان تعبان جدا وحالته متأخره
والأطباء قالوا مسألة ايام ويموت
لحد ماجه طبيب وقال فيه عملية ممكن لو اتعملت ونجحت تغير الموازين
ويرجع للحياة تاني بنسبة كبيرة .. بس العملية دي هاتتكلف كتير جدا
صاحبنا فكر يبيع عربيته ويسحب كل قرش شايله في البنك
وطبعا مراته مكنتش راضيه عن اللي بيحصل
قالتله انت كده بترمي فلوسك في الشارع
الدكاتره كلهم قالوا مفيش فايده .. وبعدين ده راجل كبير في السن ومريض
يعني حتي لو العملية نجحت .. اخره يعيش سنه او اتنين ويموت موته طبيعيه
صاحبنا وبخها وصرخ في وشها ، ووداها بيت ابوها بعد كلامها الصعب
وباع الشقة ..
وراح دفع كل ما يملك للدكتور ..
وعمل العملية .. لكنها فشلت ومات الأب
ويوم التالت بعد ماكل الناس مامشيت من العزا
اتفاجئ قدام منه بالطبيب اللي عمله العمليه .. وقاله العملية كانت محسومه نتيجتها من البدايه
بس دي كانت رغبه ابوك .. وهو اللي خلاني اعمل كده
وسابلك معايا الظرف ده

بعد ماراح شقة ابوه وفتح الظرف علشان يقراه
لقى مكتوب فيه .. افتح درج الدولاب هتلاقي ظرف كبير
ولما فتح .. لقي فيه مجموعة عقود ملكية بإسم الأبن
اراضي وعقارات واموال في البنوك

وقاله دي ثروتي اللي فضلت اجمع فيها عمري كله وانت ماتعرفش عنها حاجه
ملكك وبين ايديك من دلوقتي

القصة دي فكرتني بحياتنا بالظبط علي الارض
الحياة اللي ممكن تتنازل وتضحي علشانها بكل متع الدنيا
في سبيل انها تحيا في نور .. ومش فارق معاك اي متع تانيه
تبيع كل شهواتك وتخسر اعز ماليك في سبيل انك تكسب نفسك
وتسمع في الأخر صوت من السما يقولك الوصيه
كنت أمين في القليل سأقيمك علي الكثير .. ادخل فرح سيدك

يابخت اللي يكون عنده الرضا الكامل بحياته مهما كانت صعبه
يابخت اللي عنده القابليه انه يبيع ويتنازل عن اي شهوة بسهوله في سبيل اقامه نفسه من الموت
يابخت الشاكرين ، لأن لهم ملكوت السموات