منتدى الفرح المسيحى - نعم يغريك الشيطان لكنه لا يجبرك

https://upload.chjoy.com/uploads/1525473377841.jpg

محدش بيجبرك على حاجه وتيجى بعدين تبكى وتقول ياريتنى ما عملتها
حتى الشيطان مش بيجبرك . انت اللى عاوز كده وعملت كده فى نفسك وحدك
ابليس يقدملك الخطيه بس ويغيرك بيها وانت بتمد ايدك لوحدك وتاخدها منه

وكمان تخطفها منه وتتلذذ بيها وبعدين تبقى عاده فتعود فأدمان فى حياتك وتجرى

ورى الشيطان وتقوله هات وهو يجرى منك ويضحك عليك ويقولك ماعدش فيه ويذلك ليه .

وتبقى عبد عنده وتسيب طريقك المستقيم

ولو حبيت فى يوم ترجع تكون تهت عن الطريق وتنادى وتصرخ وتقول انا مين ؟ انا فين ؟

ولا من سامع ولا من شايف
ويبقي الخروج من بطن الحوت اصعب من الدخول فيه .
لكن يبقي الهك مستنيك ومادد الايد ومستنى تنادى عليه لانه
هو وحده الطريق والحق والحياة .

هو وحده المنقذ الوحيد ليك وكذب من قال فيه طريق تانى او طريقه تانيه تنقذك من اللى انت فيه غير الهك المستنيك