منتدى الفرح المسيحى - محتاجين منك بس يارب زقه

https://upload.chjoy.com/uploads/1525385359971.jpg

شبعنا من احتياجنا لحب الناس.. شبعنا من جوعنا ليهم
بقينا ملح منداس.. حتي من اقرب الناس فيهم
محتاجين نرجع للي بيدينا كرامتنا... للي بيخلي لينا قيمه حتي وقت ضيقتنا
اتذلنا واتكسرنا واتعرينا ولسه للاهانه عطشانين
اصل اللي بيشرب من الذل بيفضل عطشان لسنين
عاوزين نترك جرة احتياجنا عند بير ضياع عمرنا
وناخد بجد من وجعنا ونرميه عند اللي مات عننا
اصل مابقاش ليها لازمه احضان البشر اللي بنقول جواها اه وفاكرين اننا هانرتاح
دي الاه اللي جوه حضنهم بتزود علي الجرح جراح
عاوزين ناخد نفسنا ونفوق من السكينه اللي سرقانا
ونبتدي مع ربنا تاني واحده واحده وهو جنبنا ومعانا
محتاجين منك بس يارب زقه.