منتدى الفرح المسيحى - نخلع زييى الفرسيين والناموسيين ونلبس المحبه

https://f.top4top.net/p_824cilvv1.jpg

صدقونى لو كنا فى زمن المسيح كنا صلبناه..
كنا كتبنا على الفيس انه ضد كذا وكذا وكذا وماتتعملوش معاه وماتسمعهوش
ده سامرى ده مش مننا . ده به شيطان
ولولقينا واحد بيدافع عنه هانطرده زى ماطردوا الاعمى
وممكن نسأله اسأله علشان نصطاده بيها علشان نمسك عليه غلطه
مكناش هانفهمه.. ولا هانحبه.. ولا كنا اترمينا فى حضنه
كنا هانوافق على صلبه.. كنا هانسعى لاهانته..كنا هانلف الدنيا كله نشتكى فيه
كنا سوائنا سمعته..كنا دبرنا خطط كتير علشان نمسكه ونحاكمه
كنا نتمنى موته.. كنا فى وسط عظاتنا واجتماعتنا نرمى عليه كلام
كنا فى عز صلواتنا نفكر فى صلبه
وفى العيد نحرق قلبه امه عليه
اوعى تفتكر لما نكون فى زمن المسيح كنا هانتبعه . لا.. كنا هانبقى زى الكتبه والفريسين ويمكن اسواء
ده احنا عرفناه وتبعناه وعايشين فى نعمته وبنقرا عن اللى حصله وممكن نعمل كده فى بعض .. وننهش لحم بعض.. وندين بعض. ولو فى ايدنا الحكم كنا صلبنا بعض
كل كلمه فيها (كتبه وفريسين ) فى اسبوع الالام بقوله يارب مابقتش محتاج عاوز اعيش ايامك لاننا عايشينها يارب فى عصرنا.. لبسنا توب الكتبه والفريسين ولو انت يا يسوع موجود انهارده فى وسطنا كنا صلبناك وعرناك وجرحناك واحنا فرحانين وراضيين
تعالوا ارجوكوا فى اللى باقى من الاسبوع المبارك ده
ننزع كل روح فريسيه فينا
ننزع كل روح ادانه فينا
نخلع زييى الفرسيين والناموسيين ونلبس المحبه