منتدى الفرح المسيحى - قوته في الضعف تكمل

https://upload.chjoy.com/uploads/1522172328661.jpg

في يوم بتصحي فيه على حدث كبير في حياتك
وجع.. فراق .. ترك .. فقد .. قرار صعب ..إلخ
أيا كان الحدث .. فا بيبقى قدامك طريقتين
..يا أما تعدي وتستسلمي للوجع ولصعوبة الحدث
اللي غالبا هيموت كل يوم فيكي جزء
وهتكوني هشه قدام أقل واصغر المواقف بعد كدة
..يا أما تعدي في قلب الحدث معتبراه رحلة مع ابوكي
مقررة تقوي منه .. مقررة تخليه يقوي فيكي كل يوم جزء
مقررة كل يوم تشعي نور من شرخ فيكي
مقررة انك تعدي بيه كل الصعاب
فا تبصي تلاقي نفسك بتاخدي صورته هو ..
بتتعاملي بقوته هو .. فا يديكي نعمته وفرحه وقوته
فا ترفعي راسك وتفتخري بقرارك وبانك بنته
ملحوظة عن إختبار:
يتعاد نفس التاريخ بنفس الحدث ويمكن حدث اكتر وجع من اللي قبله
وتلاقي نفسك مش عارفة تتوجعي على قد ما قادرة تواجهي
تبصي لنفسك في المراية فا ماتشوفيش غير يسوع
اللي قرر يتولى المهمة ويواجه عنك وبقوته وبالنضج اللي بناه فيكي
تلاقي نفسك بتطلعي كل اﻹيمان اللي اتملتيه لما اتوجعتي اول مرة وقررتي تاخدي الرحلة معاه ..
فا الموقف اﻷصعب يعدي كأنه أسهل
وهنا بتعرفي قد ايه انتي اتغيرتي ونضجتي وبتفتخري جدا بعمله فيكي
وهو بيفتخر جدا بأنك بقيتي حته منه وشبهه وبتاخدي من قوته
بيفتخر ببنته الشجاعة ..
اللي قررت تطبق قوله " إن قوته في الضعف تكمل "
#بجد_انتي_مش_ضعيفة 👸