منتدى الفرح المسيحى - يسوع مش بيكشر

https://upload.chjoy.com/uploads/1518549797241.jpg

ظلمتك يا حبيبى وفهمتك غلط
ظلمت الحب فيك وافتكرت فى يوم انك اله دماء
كنت افتكر انك عشت على الارض غضبان على الكل وقاسي
بسوط فى ايدك ليل ونهار .
واللى مش هيتوب هتنزل كبريت ونار عليه . وهتجلده وتعاقبه بدل المرة مرات
افتكرت انك مكشر الوجه وان علشان اكون مسيحى بجد اكون عابس الوجه

. واكون جلاد لنفسي قبل غيرى . وان الحياة معاك كلها دموع واهات

. ظلمت الحب جواك لانى مكنتش اعرف مين يسوع الحبيب

لكن مين اللى قال ان يسوع كان غضبان ولا زعلان .

الحب كان على وشه مرسوم . ويوم ماعرفت الحب معاك شفتك بصوره تانيه جميله.

شفت ابتسامتك على وجهك المنور. شفتك بتبتسم فى وشى وبترسم احلى ابتسامه فى قلبى

.شفتك بتاخد الحزن وتبدله بفرح بتاخد الكرهه اللى لوث وجهى

وبتاخد كسرة النفس وتبدلها بعزه وفخر وكرامه

. الحياة معاك كلها فرح وسعاده وسلام مهما كانت الظروف حواليا .
الحياة معاك ليها طعم تانى . طعم خلى الحلق حلاوة وملاه مشتهيات