منتدى الفرح المسيحى - محدش يحس بالسامريه غير سامريه زيها

https://upload.chjoy.com/uploads/1516481702741.jpg

محدش يحس بحد مدمن غير انسان أدمن زيه وتاب وعرف خطورة الادمان وازاى ساب علامه فيه.
محدش يحس بملحد غير ملحد زيه وعرف ربنا ويقدر يثبتله ان ربنا فعلا موجود.
ولا هتحس بحد فى خطيه اى كانت
غير لما تكون وقعت فى نفس خطيته.
ولا هتحس بحد جاع ويوم افتقر وللغير إِدان واحتاج غير لما تحس بفقرة وجوعه وكان فى يوم بيدور على حد يسدد له ديونه ويسنده .
ولا هتحس بغربه انسان وترك اهله وناسه غير لما تتغرب وتشتاق لهم.

اكتر خدام مؤثرين فى الناس هى اللى داقت طعم الالم من كل نوع
واتغيرت وعرفت تخدم بوجعها كل انسان ربنا حطه فى طريقه
اخدم بوجعك وبفقرك وجوعك
اخدم بألمك وقسوة ايامك عليك
اخدم بخطيتك مهما كنت ومهما تكون
اخدم يسوع وارعى ولاده.
مفيش اغلى منهم على قلب يسوع
متدخلش السماء لوحدك وتكون انانى
خد حد معاك فى طريقك للملكوت
ادخل لربنا ومعاك خروف كان فى يوم ضال ورجع ليسوع وفرحتوا سوا بالرجوع .