منتدى الفرح المسيحى

.https://upload.chjoy.com/uploads/1516226291381.jpg

عيد الغطاس

✞ إتسمى " غطاس " علشان المسيح إتغطس و لتثبيت عقيده المعموديه بالتغطيس .
.
✞ زمان كان عيد الميلاد و عيد الغطاس هما عيد واحد إسمه عيد الابيفانيا " الظهور "
و ده بسبب ان الميلاد و الغطاس هما ظهور لله
و ده كان لحد القرن الرابع .
.
✞ تم فصل العيدين فى القرن الرابع بحيث إن كل عيد فيهم ياخد أهميته و طقوسه لوحده و اتسمى عيد الغطاس ( الإبيفانيا الثانى ) أى " الظهور الثانى
على اعتبار ان الظهور الأول هو ميلاد المسيح .
.
✞ فيما بعد تم تسميه عيد الغطاس " ثيؤفانيا " أى ( الظهور الإلهى )
و علق على كده القديس يوحنا ذهبى الفم قال إن الظهور الحقيقى و اعلان ان ده ابن الله قدام كل الحضور كان فى الغطاس لكن الميلاد هو ظهور مختفى الى حد ما .
.
✞ الغطاس كان بعد الميلاد بـ ٣٠ سنه . . يعنى قبل الصلب بـ ٣ سنين و تلت .
.
✞ الإحتفال بعيد الغطاس أمر رسولى و تم ذكره ف الدسقوليه باب ١٨ عربى . . النص : " ليكن جليلاً عندكم عيد الإبيفانيا لأن فيه بدأ الرب يُظهر لاهوته فى معموديته فى الأردن من يوحنا ، و تعملونه فى الشهر الخامس للمصريين " ( الحادى عشر من طوبه )