منتدى الفرح المسيحى

و الطريق في الاكتئاب يشبه طريق "الضباب"
الشبورة مالية.الطريق ..من.اوله لاخره
الرؤية منعدمة ..او شبه منعدمة.
و الفجر باين عتمة ..
الشبورة.مليت النفس من جواها
و براها
و الخطوة قدامك مش باينة ..ابعاد عربيتك مش شايفها
نفسك تاهت منك ..مش عارف حدود حقيقتك من سرابك
و كأنها بتضلم اكتر ..و الخطورة بتزيد ..و ايدك.بترعش عالدريكسيون
لو وقفت ..خطر
و لو كملت برضه خطر ..لكن اقل
شغل انتظار ..و خليك.مكمل
القريب باين بعيد ..و البعيد باين قريب ..
و النفس تاهت ..وسط الضباب
وسط شبورة الحياة
بتوصل لدرجة انك بتنسي ..ان النور اصلا موجود
و تبتدي تصدق ان الضباب هو الحياة
و تستغرب انك في يوم كنت عارف تشوف
تنسي الشوف..و تنسي الطريق ..و يحضر في ذهنك
حاجة.واحدة
هي الشبورة