منتدى الفرح المسيحى

https://upload.chjoy.com/uploads/1515358793971.jpg

أيوه انت عارف إن جوايا شوق لحاجات غيرك .. في قلبي حب لأشياء ساعات بتكون أكتر من حبي ليك..

أيوه انت قاري أفكاري اللي معظمها حوالين نفسي.ودريان بالصراع اللي جوايا ما بين إن أقود نفسي ولا أخليك تمشي قدامي..

أيوه عندك صورة من الأشعة اللي بتكشف قلبي وأنا بصلي..وفاضخة حقيقتي اللي عكس كلامي...

أيوه انت كاشفني كلي ...وماليش مفر من نظرات عينيك..

لكن برضو عارف إنك ماتخدعتش فيا ..ومتأكد من حبك ليا
عينيك اللي شيفاني وقلبك اللي حاسسني هما اللي بيشفوني وبيجددوا الأمل فيا..