منتدى الفرح المسيحى - سرقه القلوب ذنب مالوش مغفره ..

https://b.top4top.net/p_734k8ydt1.jpg

كلمه.." بحبك " ❤
صعبه جدا ومع قرار إنك تقولها لحد بتتحمل مسؤليه كبيره لا تتخيلها
الكلمه ديه بتربط إنسان بيك وتخليك محور حياته
بمجرد ما تنطقها لازم تفهم كويس أوى إن سرقة مشاعر وقلب شخص أصعب بكتير من سرقة ملايين الملايين منه
لإنك كده بتسرق حياته كلها بمجرد كلمه بتقولها

فى ناس كتير محرومين من الحب والاحتواء والحنان فى حياتهم محرومين من وجود حد يهتم بيهم ويحبهم ويقولهم كلام حلو ودول أكتر ناس بيتأثروا من كلمه زى ديه كلمه
بس بالنسبالهم ديه حياه تانيه بيتولدوا من جديد بمجرد ما يسمعوها
هتفتكرنى ببالغ وهتستهتر بالكلمه وتقول مفيش حب أصلا معاك حق
ما إنت مش هتحس بالمعاناه بتاعت شخص حد قاله بحبك وأكتشف إنه مش بتاعه لكن لكل الناس وعرف أنها مجرد كلمه بس جواه سابت مليون ألف إحساس
مش هتعرف يعنى إيه حد يتخدع مش فى عمليه نصب أو لغرض مادى..!؟
لأ إتخدع فى قلبه أصل اللى بيتخدع فى قلبه هيعيش طول عمره مش واثق فيه ومش هيعرف يحب تانى وكل ده بسبب كلمه ..

شوف قد إيه إنت كنت حرامى وكمان إنانى ..!!
سرقه القلوب ذنب مالوش مغفره ..
أرجوكم ..
ماتطلعوش الكلمه ديه من غير ماتكونوا تقصدوها
ماتقولوهاش من غير ما تكونوا فاهمين معناها كويس
بدلوها بأى حاجه غيروها لأى شئ
المهم ماتوعدوش وتمشوا فى نص الطريق