منتدى الفرح المسيحى - الحب أنواع ودرجات

في مقوله بتقول:
“some people love you, but not enough to stay”
بمعني إن مش كل الناس إللي قررت تخرج من حياتنا أو يمشوا ويسيبونا مبحبوناش/أو بطلوا يحبونا
الحب أنواع ودرجات وإنه مش أبيض يا أسود يعني.
ممكن ناس يحبونا بس مش لدرجه إنهم “يفضلوا”. إنك تفضل موجود ف حياة إللي بتحبهم معناها إنك هتستحمل حاجات أكبر من الحب
هتستحمل مللهم، اكتئابهم، عاطفتهم المبالغ فيها أحيانا والمنعدمه أحيانا أخري
هتستحمل طلبهم في إثبات مشاعرك ف وقت اأنت ف أفضل حالاتك، وهتستحمل زهقهم منك ف أوقات تانيه، هتستحمل لحظاتهم الانانيه، ولحظاتهم التافهه، والطلبات الغير مفهومه .
ف لما تقرر تفضل موجود مع حد علي طول مابيبقاش مجرد إنكوا مضطرين تفهموا وتستحملوا بعض *بشخصكوا* إنتوا بتبقوا مضطرين تستحملوا كل مايدور ف الحياة بشكل عام اللي بدوره بيأثر عليكوا.
ف مش كل الناس بتجيد ده، ومش كل الأوقات والظروف تسمح ب ده
عشان كده ممكن جداً يبقي في ناس حبوكوا وكل حاجه بس
not enough to stay ..