منتدى الفرح المسيحى - الكوباية دي بالظبط بالظبط شبهنا ..

منتدى الفرح المسيحى (https://www.chjoy.com/vb/index.php)

- فضفضة شبابية بلا حدود (https://www.chjoy.com/vb/forumdisplay.php?f=92)

- - الكوباية دي بالظبط بالظبط شبهنا .. (https://www.chjoy.com/vb/showthread.php?t=528494)

الكوباية دي بالظبط بالظبط شبهنا ..

https://d.top4top.net/p_723k6ume1.jpg

من فترة اتشرخت عندي كوباية وعلشان هي جامدة شوية وإزازها سميك
فكملت استعمالها وفي كل مرة كنت أحط فيها حاجة سخنة أبقى متوقع إنها هتتكسر بس ألاقيها مكملة ..
قلت خلاص هي جامدة والشرخ من جوة فمش هيجرالها حاجة..
وإديت الأمان وبقيت أتعامل عادي ونسيت الشرخ ده..
لغاية لما فجأة وأنا بحط الشاي سمعت صوت الشرخ بيزيد..
لحقت أحطها في طبق وعلى طول اتقسمت نصين والطبق أنقذ الموقف من البهدلة...

https://a.top4top.net/p_723trvon1.jpg

الكوباية دي بالظبط بالظبط شبهنا وشبه علاقاتنا...
يا بنيجي على حد كتير يا حد بييجي علينا كثير ..
فكرة إن حد بييجي على نفسه وحد تاني معتمد إنه خلاص التاني بيستحمل ومكمل ومتعايش بتبقى لحظة الإستسلام بتاعتها وحشة ..
ودايما بتيجي فجأة..

المشكلة انه مش في كل مرة بيكون في طبق يلحق يلم ..
غالباً الأمور بتفرط مرة واحدة..
لأن محدش انتبه للشرخ بدري وعالجه حاولى ديما متجيش على حد بزيادة والاهم متجيش على نفسك علشان خاطر حد مش مقدرك.
لان فى الاخر هتكرهى الشخص دة وتكرهى نفسك كمان