منتدى الفرح المسيحى - ويل لمن هو وحده

https://www.mrkzgulf.com/harlnzyc0y17

ويلٌ لمن هو وحده..
للي مابيعرفش يحكي ويطلع اللي جواه..
للي موجوع ومش قادر يكشف وجعه لحد..
للي بيسمع، ومابيتسمعش..

للي بيحب.. ومش قادر يتحب ويتسند علي حد..
للي بس بيسند، مش بيتسند..
للي مش قادر يتكلم، ولا حتي يكون نفسه..

ويلٌ لمن هو وحده..
للي ملوش حد، فا بيكتفي بوحدته..
للي مش قابل حتي نفسه.. ومش قادر يكشفها لحد تاني..
للي من كتر خوفه، بني سور حواليه محدش يعديه..

ويلٌ لمو هو وحده..
للي محدش فاهمه وعارف يوصل جواه..
للي ماتشفش علي حقيقته.. وماتحبش علي عيوبه..
للي ماقدرش يتحضن، ويسيب نفسه بين ايدين حد..

ويلٌ لمن هو وحده..
للي حواليه دفا، ومن جواه برودة مميتة..
للي هربان من نفسه في الناس.. ومن وحدته في الزحمة..
ومع ذلك لسا بيموت من البرد اللي جواه..