منتدى الفرح المسيحى - احيانا بتوصل لمرحلة الإكتفاء ..

احيانا بتوصل لمرحلة الإكتفاء ..

https://c1.staticflickr.com/3/2878/1...36a842ae_z.jpg

العالم بتاعك عالم لوحده ..
الهدوء والدوشه اللى جواك والأسئله واجابتها محدش بيأثر فيها

ولا بتحتاج الإستعانه بصديق ...

عندك خبره كفايه إنك تحكم على الأشياء والمواقف والأشخاص ..
قاسم نفسك نصين نص يطبطب على التاني .. نص يعتب على التانى ..

نص يفهم التاني .. نص يحمى التانى .. نص يحضن التانى ..
مش خايف حد يحاربك بضعفك ليه ..

ولا حد يحتاج كل شويه شرح والبحث عن أدله وأجوبه وأعذار ..

مش خايف على صورتك قدام نفسك ...
عندك أكتفاء ذاتى .. وما يلزمك لإحتواء أى ثوره تقوم بداخلك ..

ومدفى بروحك ومتونس بيها .. والسلام النفسى ..
مركبك سحابه طايره بيك فى السما السابعه
لما تتعرض لخذلان كتير .. وتمشى مشوار صعب ..

وربنا يكتبلك الشفاء من التعلق بالأشخاص ورأيهم

والأشياء وإبهارها المزيف .. بتبنى حوالين روحك سور عالى ...

اللى يحطمه ويوصل لقلبك صح .. هو اللى يستاهل يكمل معاك ..

ويشاركك تفاصيل حياتك !!!!