منتدى الفرح المسيحى - صديقي اللي كان معايا في ٢٠١٧

https://www.mrkzgulf.com/u8u9hhlfsrrj

صديقي اللي كان معايا في ٢٠١٧ ومكمّل ..

اللي دايماً بيسمع حكاياتي ومشاكلي التافهة وكأنها اهم حاجة في الكون ..
اللي دايماً موجود لما بحتاجه حتى لو مشغول وراه مليون حاجة، لأني فعلاً مهم عنده ..
اللي دايماً في صفي .. حتى لما أنا بقلب عليا وأكره نفسي، هو مابيقلبش ..

شايفني صح.. بيوفر عليا مجهود كبير اني اشرح أو ابرر كلامي ومواقفي..
دايماً فاهمني.. لأنه في نفس المطحنة اللي أنا فيها، فا مش بيدي مواعظ وخُطب لكن بيسند ببساطة من غير كلام كتير..

يا صديقي ..
انا فعلاً بشكر ربنا على وجودك في حياتي ..
بشكر ربنا على عُمق صداقتنا اللي مظُنش هوصلّها مع حد تاني..
بشكر ربنا على خوفك عليا حتى لو بكلامك الدبش، حتى لو بإنفعالك وخناقك اوقات ما بعُك.. عمري ما زعلت من اي موقف منك لأني متأكد أن كل ده وراه خوفك على مصلحتي ..

شكراً على وجودك في ٢٠١٧.. شكراً على سندتك ليا اوقات كتير ، وشكراً برضو على وجودك في اللي جاي .. لأني عارف انك مش هاتمشي !