منتدى الفرح المسيحى - الحب عامل زي المخدرات

https://a.top4top.net/p_706u66xd1.jpg

لما تكون عايش قصة حب قويه والقصه دي تنتهي هتحس نفسك جعان عاطفياً ،
مشتاق لكلمة حب زي اللي كنت بتسمعها ،
مشتاق للاهتمام ونفسك ترجع تحس بيه تاني ..
مشتاق للحظات حب ورمانسيه ..

لان الحب عموما عامل زي المخدرات ما تقدرش تبطله مرة واحدة ،
يعني صعب تكون متعود علي اهتمام وحب وحد بيحسسك ويديلك مشاعر حلوه وفجأه متلاقيش اي حاجه ..
غصب عنك ومن غير ما تحس هتلاقي نفسك بتدور على بديل عشان تسد جوعك العاطفي .. بتدور علي حد يحسسك انك مرغوب فيك وبتتحب ،
حد يرجع ثقتك بنفسك اللي ممكن جدا تتاثر لما تفشل في حبك ..

المشكله مش في كل ده لان دي حاله نفسيه طبيعي جدا انك تمر بيها ،
المشكله فى انك تعالج نفسك علي حساب غيرك ،
ومن غير ما تحس تستغل حب حد ليك واهتمامه بيك عشان تشبع الاحتياج العاطفي اللي جواك ..

ارجوك خلي بالك ..
متوجعش قلب حد وتِسحله معاك وتستهلك مشاعره وقلبه عشان تسد جوعك العاطفي وتعيش حالة الحب ..
متآذيش حد كل ذنبه انه حبك وسلمك قلبه ومشاعره ..
مش عشان تحس براحه يومين ولا شهرين ولا سنتين توجع غيرك عُمر ..