|
//سمك السالمون الايطالي//من مطبخي بالصور
اهلا بكل الاخوات اللي بيحبوا اكل السمك زيي تمام النهاردة بقدملكم اكلة سمك مع السلطة والرز المصري ونوع السمك هو سمك السالمون ووزنه فوق ال2 كيلو ويكفي اسرة وينفع في عزومة كل الصور والطريقة من مطبخي المتواضع ويارب تعجبكم وينال رداكم وتردو عليه والتقييم اوعوا تنسوا سمكة السالمون ودي صورتها واحلي كمان من عروسة البحر هنضفها كويس بالماء الجاري ونزيل الخياشيم ونقص الزعانف وندهنها من فوق وتحت بزيت زيتون علشان ماتلزقش في الصينية وده شكلها وهي منورة الصينية http://files2.fatakat.com/2012/4/13338917381406.jpg ماشاء الله نضيفه ولون لحمها بمبه فاتح هندعك قلبها بنص ليمونة والنص التاني هنحته في الصينية علشان يمتص ريحة السمك ونحضر الحشو في طبق وهوعبارة عن طماطم +فلفل رومي+بقدونس+عود كرفس+جزرة+فصين توم+بصلة+ملح وفلفل اسمر وكمون والتوابل حسب الرغبة والتعود ودي صورة الحشو هنقطعه صغير ونخلطه بالتوابل ونحشي قلب السمكة كده وعلشان الحشو ماينزلش في الصينية ويتحرق هنقفل قلب السمكة تمام بالخلة ونغطيها بالفويل وندخلها الفرن هندخل الصينية في فرن متوسط الحرارة علي الرف السفلي لمدة نص ساعة وبعدين نخرجها ونشيل الفويل وندخلها تاني علي الرف العلوي تكمل سوي http://files2.fatakat.com/2012/4/13338923406378.jpg والشكل النهائي في نهاية الموضوع مع السمك تحلي السلطات بكل انواعها السلطة البلدي وبتتكون من خس وخيار وبصل وطماطم وفلفل وبقدونس واي خضار نحبه ممكن نضيفه وخل وزيت وملح سلطة البنجر الاحمر ومكوناتها كالاتي بنجر احمر مسلوق علي البخار+بقدونس+معلقة طحينة +خل+ملح وفلفل+معلقة زيت زيتون+فص توم متقطع http://files2.fatakat.com/2012/4/13338897847822.jpg هنقطع البنجر اصابع رفيعة ونزيل منطقة الجذر واي قشور زي كده ونخلط المكونات ونضيف الوزيت والخل وده الشكل النهائي وعملت كمان بتنجان وفلفل رومي مشوي علي الجريلا وهنبدا بتقطع حلقات بعد غسله جيدا ونسخن الجريل علي النار وندهنها بمعلقة زيت ونضيف شرائح البتنجان علي الجريلا بعد ما سخنت وفايدة معلقة الزيت حتي تساعد علي عدم التصاق البتنجان ونقطع الفلفل الرومي اجزاء مسطحة قدر الامكان والمتبقي يصلح للحشو السمك او السلطة هنشوي الفلفل كمان ونضيفه في طبق التقديم للبتنجان ونضيف زيت زيتون وفص توم متقطع وملح وفلفل وممكن اوريجانو او ريحان علي حسب الرغبة وده شكله مش فاضل غير الرز هنحمر بصلة صغيرة بس في زيت ذرة ونغسل الرز كويس ونضيفه للبصل بعد التحمير ونقلب وبحب اضيف معلقة كركم وقرفة وكمان كمون وفلفل اسمر وملح ومعلقتين صلصة ونغطي بميه دافية ونحكم غلق الحلة كويس وبعد 10 دقايق نهدي النار حتي تمام السوي وبعد ماخلصنا الرز طلعنا السمك وبحرص شديد نقلناه لطبق التقديم وده شكله وده شكل الرز والسلطة بعد ماقطعتها وده الشكل النهائي للسمك والرز والسلطة والحلو كانتالوب http://files2.fatakat.com/2012/4/13338941161420.jpg يارب الموضوع يكون عجبكم واستفدتم منه واي سؤال انا في الخدمة وياريت ماتبخلوش بالرد والتقييم لاني |
| الساعة الآن 08:51 PM |
Powered by vBulletin® Copyright ©2000 - 2025