منتدى الفرح المسيحى - كراكيب من القلب

- عادةً اللي مش حلوين ف الصور حلوين ف الحقيقه .
- اللي كلامهم دبش قلوبهم طيبه وحنينين .
- اللي بتبقي بينك وبينه جدال ف الاول وخلاف ومبتبقاش طايقه بمرور الوقت بيبقي حبيبك ومتقدرش تستغني عنه !
- امك ممكن تديك حته م الفرخه وممكن يكون نفسها فيها .. بس لما انت تاكلها بيبقي علي قلبها زي العسل .
- في حُب بيجي بعد الجواز عادي جدًا وممكن اقوي من اي حُب قبله .
- انور وجدي بيقول " حُبك الاول هو حُبك الاخير " تقدر تحب تاني وتنسي اي حُب قديم نهائيًا وحُبك التاني يبقي بالنسبالك بقدرة قادر اول حُب .
- الحُقنه اللي بتاخدها علشان تعالج البرد مبتعالجوش ! دي بتخفي اعراض المرض وبس .. ولما يجيلك برد تاني هيجي اشد من الاول ! فمتاخدش حقن برد ;D !
- اتقلي ومتصدقيش اي كلام حلو وتنكفي علي ملا قلبك ! " الرجوله افعال مش اقوال " اللي بيجي سهل بيروح سهل ! فمتبقيش متساهله . "
- مفيش حد ملاك ومثالي " لكن في حد ربنا ساتره ومبفضحش بلاويه " انا منهم !
- مفيش حُب من غير احترام الحُب ينتهي لو انتهي ما بينكم الاحترام فإجبر اللي قدامك يحترمك .
- الناس اللي مهما اهملتهم ومسالتش عنهم فتره طويله وكلمتهم ويتعاملوا معاك كويس قوي من غير ما يجبروك تكذب وتقدم اعذار وبيقدروا ان اي انسان بيحتاج اوقات يبقي فيها لوحده .. دول ناس كويسين متبعدش عنهم .
- مش شرط تكون ناجح ف دراستك عشان تبقي عظيم ! معظم العلماء والمشاهير مكانوش ناجين دراسيًا !
- البنت مش نكديه هي بس حنيتها بتغلب عقلها شويتين .
- لما تحب نفسك هتحب غيرك والارض لو مفهاش خير مش هتدي للناس خير ! فخليك متصالح مع روحك .
- الروح بتغلب الشكل فاهتم انك تحسن من روحك ونفسك قبل مظهرك وشكلك .
- ربنا بيحطك ف موقف صعب يختبر فيه ايمانك .. طلعت جدع ورضيت وصبرت .. بيبهرك بكرمه وفضله وعطائه ! https://www.facebook.com/images/emoj...1/16/1f642.png:))
- الشمعه بتتحرق عشان تنور للناس .. متبقاش شمعه وتضحي ب شبابك وعُمرك لحد ميساهلش .
- مش كل الاخوات لازم يكونوا من نفس الاب والام .. في اخوات بيجيوا بالعِشره والمواقف الصعبه والعيش والملح والمرمطه .
- انت/ي كويس عشان في كلام من اللي قراته دا .. متفق معاه وشايف انه صح .. دا بيدل انك لسه فيك الخير علي فكره https://www.facebook.com/images/emoj...1/16/1f642.png:))

كراكيب من القلب https://www.facebook.com/images/emoj.../1/16/2764.png❤️ .