منتدى الفرح المسيحى - الجواز مش الحل

https://upload.chjoy.com/uploads/1509308146471.jpg

الجملة دي صادمة شوية بس للأسف هي دي الحقيقة
، سمعت ناس كتير بتقول أن أحسن حل علشان اتخلص من إدماني للإباحية أني أتجوز وأبقى بكده ضمنت أني مش هرجع للأفلام دي تاني!
عمر الجواز ما كان الحل علشان تهرب من إدمان الإباحية،
أولاً لأن دماغك البشرية بتتأثر وبتخزن كل حاجه بتحصل في حياتك كإنسان من أحداث ومواقف ممكن تمون أنت نفسك مش فاكر انها آثرت فيك بالشكل ده ودا برضه بينطبق على اللي بتتفرج عليه بيتخزن وبيتحفظ جوه دماغك وثانياً: على حسب احصائيات ودراسات كتير قالوا أن الناس اللي بتتفرج على الأفلام أو المواقع دي جوازاتها بتبقى فيها مشاكل كبيرة منها مثلاً أن الرجل مابيبقاش حاسس بالشبع والرضى مع مراته ومش بس كده ده بيقارنها بالبنات اللي بيتفرج عليها وطبعاً متطلباته بتزيد وبالتالي دا بيخلي الست تحس بصغر النفس وعدم ثقة في نفسها، دا بيخلي العلاقة بينهم مهزوزة وفي النهاية جوازات كتير بتفشل! وللأسف المشكلة مابتتحلش بالطريقة دي، كل الحكاية انت بس هربت من احساسك بالذنب ودخلت نفسك في حاجة اكبر اسمها فشل علاقة زوجية!