منتدى الفرح المسيحى - خليك "جدع نفسك" قبل أي حد ...

https://a.top4top.net/p_66678mos1.jpg

قمة النضج أنك متتعاملش مع الحياة بشيء من الجدية ....
قمة النضج أنك تبقى عارف إن دورك الحقيقي أنك تحاول و تسعى بكل طاقتك و تبقى صادق و مخلص في كل خطوة بتعملها و كل كلمة بتقولها من أول ما بتصحى لحد ما تنام ...
قمة النضج أنك بعد كل ده تتقبل الخسارة و خيبة الأمل بشيء من اللامبالاة و الثبات الانفعالي و ترجع تحاول من جديد ... تفضل تقول و "ايه يعني" ؟!!

خليك "جدع" ... جدع مع "نفسك" قبل أي حد ...
شدها و قومها و اهبدها على الأرض و فوقها و دلعها و عاتبها و ربيها و اغضب عليها و أعد معاها و قلها "أنتي عاوزة " !!
أنت محور حياتك ... قصتك ... اختيارك ... خطأك ... صوابك ... غضبك ... حبك ... كرهك .... غفرانك ... فشلك .... نجاحك ....

مفيش حد بينجح في أي حاجة في الحياة .... مبيحبش نفسه و بيحترمها ....
مفيش حد مبيحبش نفسه ... محترم ....
اللي بيجي على نفسه عشان خاطر حاجة .... أو حد .... فاشل ... فاشل في إنتاجه ... فاشل في عطاؤه ... فاشل في حبه ....
متحبش حد .... مبيحبش نفسه ..... !!!
لو حبيت نفسك .... لو نجحت أنك تعمل ده بمنتهى المصداقية ....
الحياة هتبقى مجرد رحلة بالنسبالك ..... وجع خسايرها هيبقى أقل بكتير مما تتخيل ..... !!!