منتدى الفرح المسيحى - الأنسان الناجح !!!

https://c.top4top.net/p_665g0qn81.jpg

الإنسان الناجح مش إنسان عمره ما فشل في شئ، مش إنسان عمره ماتعب ووقع ميه مره.
مش إنسان موقفش أحيانا يستريح ولا إنسان دموعه منزلتش في لحظات.

الإنسان الناجح بيعمل كل ده بس اللي عمره مابيعمله هو إنه مش بيستسلم
مش بيقعد مكانه وعايز الدنيا تتحرك علشانه
مش بيسيب اللي حواليه يحددوا مصيره
مش بيمشي ورا كل كلمه بتتقال كانه لعبه بين حروف الكلام
مش بيشوف الفرصه قدامه ويفضل يتردد لما تضيع منه
مش بيقعد مكانه ويقول نصيب
مش بينام في سريره ويقول مش رزقي وربنا مقدرش
مش بيعيش أيامه شريط متكرر ومتعاد ومسجل بأيد غيره
مش بيعيش بلونه مليانه كلام تفرقع في اول موقف
مش بيعيش كائن حي وخلاص
مش بيعيش بلا كلمه وعهد
مش بيعيش حياته أعذار

الانسان الناجح ما بيمسكش حبل لحد يقوده ...... بالعكس ده بيكسر قيوده

بيعمل وبيذل جهد لغايه مايبقي مش قادر يتحرك ولسه بيقول خطوه كمان واستريح وبعدها خطوه وخطوه وراء خطوه بيوصل.

الانسان الناجح بيكسر قيود الكسل والتواكل،
قيود كلام الناس وتحكمهم، بيكسر قيود اليأس والإحباط.
سلاحه عمله وجيشه عزيمته وارادته وإصراره ورايته الثقه والإيمان بالله.