منتدى الفرح المسيحى

https://a.top4top.net/p_665sstya1.jpg

ايام ما كنت بحب كنت بدعي ربنا يجمعني بالانسانه الي بحبها
كنت بدعي كل ثانيه ان يارب لو ملهاش خير ليا
اجعلها فيها الخير واجمعني بيها برده
وبرغم ان الموضوع اتقفل كذا مره من كذا اتجاه
إلا اني كُنت بعافر وبصلح وفضلت ادعي برده
وكاني وخداها عند
وفي الاخر ربنا حققلي دعوتي ، وعرفت ان مش هي دي الصح ومش هي الخير
ومش هو ده النصيب اللي كنت بتمناه
وعرفت اني لو كنت سمعت كلام ربنا من الاول ومعاندتش مكنش حصلي كل ده
الموضوع انتهي وربنا نزل علي قلبي سلام ورضا عُمره ما كان متوقع
التجربه دي شخصيه جداً بس اللي عايز اقوله لاي حد هايقري الكلام ده
متعاندش !!

لما ربنا يديلك اشاره متغمضش عينك
لما ربنا يمنع عنك حد متمسكش فيه
لما تحس بحاجه غلط متتجاهلش
لما ربنا يرزقك بناس بتحبك تنصحك لوجه الله متطنشهاش
متتنازلش عن مستواك متقللش من نفسك
مترخصش نفسك عشان لو انت بعت نفسك عمر ما حد هيشتريك
متحاولش تغير حد لان اللي في داء مبيبطلوش

دوروا علي المحبة والأحترام والتقدير اللي ربنا اتكلم عنها
دوروا علي اللي هيراعي ربنا فيكوا وفي بيتكو واهلكو
متمسكوش في حد اختار يبعد
اتخلصو من كل العلاقات اللي بتأذيكم صحياً ونفسياً
العلاقات والناس بتتعوض بس الصحه مبتتعوضش
اللي فيه الخير هيجي لوحده واللي فيه الخير عمر ربنا ماهيبعدوا عنك