منتدى الفرح المسيحى - متبطلوش تمدحو الناس ..

https://a.top4top.net/p_663uyyw91.jpg

فى ناس كتير اكتشفت نفسها من كلمة مدح اتقالتلها

الله اسلوبك فى الكتابة بسيط وحلو اوى ..
فبقى ليها كتب فى السوق و مقالات فى جرايد مشهورة

رسمك يجنن انتى فنانة ..
راحت خدت كورس ديكور وفتحت الجاليرى بتاعها

نفسك فى الاكل تحفة ..
عملت مشروع أكل بيتى وقريب هيبقي ليها برنامج

ذوقك فى لبسك مميز جدا ..
بقت فاشون ديزاينر والستور بتاعها بقى فى اربع مولات لحد دلوقتى

انتى بتعرفى تتعملى مع الأطفال جدا و بالك طوبل وبتفهميهم اوى ..
حست ان دة شغفها فعلا ونزلت قدمت فى كل المدارس والحضانات اللى تعرفها و كل يوم بتكبر فى شغلها .

انتى بتعرفى تحتوى اللى ادامك اوى وبتحلى المشاكل بطريقى سهلة ...
عرفت انها ممكن تكون لايف كوتش شاطر وابتدت مشوارها و كل يوم بقت تغيير حياة حد للأحلى .

انتى هايلة فى توصيل المعلومة ..
بقت مدربة شاطرة جدا والناس بتتمنى تحضر كورساتها .

جملة مدح فجرت طاقات انسان ، و نورت عنده شغفه اللى ممكن يكون مكنش عارفه .
كلمة تشجيع غيرت مسار حياة ، كلمة شكر خلقت هدف
متبطلوش تمدحو الناس .. متبطلوش تشاوروا على الحلو اللى فيهم
لعل الله يجعل فى كلمتكم خير ليهم