منتدى الفرح المسيحى - متمرمطوش بناتكم لو سمحتم

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - متمرمطوش بناتكم لو سمحتم (https://www.chjoy.com/vb/showthread.php?t=515289)

متمرمطوش بناتكم لو سمحتم

https://a.top4top.net/p_655wnzkv1.jpg

كفاية جواز ف بيت العيلة
كفاية يابطه كفاية خدمة ومرمطة ف عيلة صغيرة 20 سنة بتتجوز عشان تخدم
وتمسك بيت مش بيتها واضافة اليه بيتها وهي اصلا امها كانت بتصحيها تفطرها الظهر
سيبو الصغيرين يعيشو براحتهم عشان لما يكبرو ميبقوش عقارب من اللي شربوه
وتفضل مأساة الحموات شغالة لحد يوم القيامة

كفاية بقي تتجوز واحدة شهرين وتسبها وتسافر عشر شهور وهي بتخدم امك وابوك واخواتك لو لسة متجوزوش
وترجعلها شهرين وتسافر تاني وهكذا وكل اجازة تخلف عيل تربي لوحدها او اهلك اللي يربوه
وهي تفضل متمرمطة وجوزها متغرب عنها ياتاخدها وتسافر معاك يامتتجوزش
وانتي ياتسافري معاه يامتتجوزيش لو حسبتي عمرك بالشكل ده هيطلعلك انك اتجوزتيه خمس سنين فعشرين سنة ده لو بينزل اجازة كل اربع شهور

متمرمطوش بناتكم لو سمحتم اشترطو قبل الجواز بنتي فشتقها لجوزها وعيالها وبس
ولو بيسافر بنتي هتسافر معاك مش هتتجوزها شهرين فالسنة
لو ظروفك متسمحش تاخد مراتك معاك متتجوزش متسربع ع ايه

حافظو ع بناتكو واتجوزو بشروط لحياة مستقرة مش شروط شبكة ونيش وشوية فلوس