منتدى الفرح المسيحى - انت بتاع ربنا مش بتاع حد

خد قرار ان اهم حاجه في يومنا اننا مانحزنش روح الله فينا.. واننا نقدم محبه لكل الناس... مانضغطش علي روحنا مدام هانحط ربنا قصادنا في كل تصرف او كلمه هانقولها.. اللي مش عاوز يفهم كلامك خلاص قوله يارب فهمه وانت خليك هادي.. واللي مصر انه يعثرك قول يارب احميني..واللي مش هايقدر تعبك ابتسم وقول كفايا يارب انك شاعر بيا ..واللي مش هايستحملك في وقتك المضغوط اشكر ربنا انه بيكشفلك اللي حواليك.. نحط قصادنا نفسنا اللي تستاهل اننا نحافظ عليها .نحط قصادنا ولادنا اللي يستاهلوا اننا نفرحهم جوه يومنا حتي لو في ضغط علينا.. ماترهقش نفسك انك تفضل تفهم الناس قصدك ايه من كلامك طول مانت بتراعي ربنا خلاص... وحط الكلمه دي قصادك انت بتاع ربنا مش بتاع حد انت ملك ربنا مش ملك حد واعمل اللي يخليك ماشي مع ربنا صح وبس