منتدى الفرح المسيحى - تاجروا حتى آتي

تاجروا حتى آتي..
- لوقا 19: 13 -

الجملة دي قالها الرب يسوع في مثل من الأمثال
والكلام ده مش بس للناس اللي كانوا بيسمعوا زمان
لكن ده كمان لينا احنا في الزمن ده

والحقيقي دي كل شغلتنا ككنيسة لغاية لما يسوع يجي تاني،
الإيمان المسيحي اللي عندك ده لازم تعيشه قبل ما تقوله للناس
ولازم تتاجر بيه، كبَّره، بدل ما هو إيمان في قلبك أنت بس
شاركه مع اللي حواليك،

أكيد في كتير محتاجين يسمعوا كلمة تطمنهم

أو تقولهم إنه الله موجود ومعاهم وإنه بيسمع

وبيستجيب وبيعزي ولسه بيشفي وبيجاوب اللي بيطلبه

ولما تعمل كده وتلاقي نتايج،
هتلاقي إيمانك بيكبر وهتثق أكتر في الله..
اكرز بإلايمان اللي عندك والكلام ده مش بس للخدام،
الكلام ده لكل مؤمن قبل الرب يسوع مخلص شخصي ليه..
أنا وأنت مسئولين عن الكلام ده!!