منتدى الفرح المسيحى - شماعة اسمها ربنا !!

مش كل حاجة غلط نعلقها على شماعة اسمها " ربنا " !!
الله خلق لنا العقل وإدانا حرية الإرادة علشان نتصرف ونختار، فمش كل حاجة بتحصل غلط نقول إنه ربنا سمح بيها ولو كان عايزها ماتحصلش كان منعها، الجوازات الفاشلة، العلاقات المُدمرة، الفشل في الشغل، الفشل في الدراسة، الله مش مسئول عن تصرفاتك، هو بيتعامل مع بني آدمين ليهم فكر وواعيين كفاية علشان يتصرفوا صح ومكتوب في الكتاب المقدس" من يعوزه حكمة فليطلب من الله الذي يعطي الجميع بسخاء ولا يُعير " يعني ربنا هيساعدك لو أنت طلبت منه، لكن لو انت عايز تمشيها لوحدك يبقى لما تفشل أو تبوظ منك، ربنا مالوش دعوة، اللي بيختار يمشي السكة مع ربنا من الأول ربنا مش بيسيبه لكن اللي بيمشي بدماغه مايلومش إلا نفسه وانت اللي عليك تختار !!