منتدى الفرح المسيحى - خلينى اكون صاحبك

https://www.mrkzgulf.com/yc4czh4tty5y

طول الوقت مكُنتش بقدر أفهم أوي يعني إيه يكون ربنا صاحبي واتكلم معاه على طول وفي كل وقت، لغاية ما في مرة كنت في دير وشُفت أبونا كان واقف وبيتكلم، في الأول كنت فاكره بيتكلم مع حد بس أنا يمكن مش شايفه، اكتشفت أنه بيصلي!!
كان بيتكلم مع ربنا كأنه بالظبط شايفه قدامه زي الأصحاب فعلاً وكان مستمتع أوي، وخلاني من جوايا أحب أكون كده مع ربنا ووقفت بعيد كده وصليت قلت لربنا " خليني أكون زي أبونا دا اللي فعلاً عارف إزاي يكون صاحبك" إنك تشوف ربنا على أنه صاحب وصديق زي ما هو عادل والله ورحيم بيفرق أوي لما تيجي تتكلم معاه، عن إنك دايماً تشوفه الإله اللي بيخوَّف القاسي، اللي مش بتقدر تقرب منه وإنه دايماً بيعاقب وبيأذي!!