منتدى الفرح المسيحى

https://www.mrkzgulf.com/hr1atwjc8s9z

اللاكمال!!
اقرا معايا كدة الكلام الجاى ده علشان هيفرق معاك لانة فرق معايا جداا
من سفر ملوك التانى 5 بيتكلم الكتاب عن نعمان السريانى و بيقول الجملة دى :
وكان نعمان رئيس جيش ملك ارام رجلا عظيما عند سيده مرفوع الوجه لأنه عن يده أعطى الرب خلاصا لارام وكان الرجل جبار باس ابرص
خدوا بالكم من كلمة ( جبار بأس ابرص)
احنا لو شفنا الموضوع هنا هنشوفه ان نعمان جبار بأس فا هنقول ( واااو)
وله هنشوف نعمان على انة ابرص( يعععع) على فكرة البرص الى بيتكلم علية الكتاب المقدس تقريبا هو مرض الجذام حاليا) لو دخلتوا على النت و كتبت كلمة LEPROSY هتشوف صور مفزعة..وفيه مفسرين بتقول ان المرض ده كان بهاق..المهم
احنا بقى..موقعنا ايه من الاعراب بالمقارنة بنعمان؟؟
مفيش اى مقارنة بينا وبين نعمان...هو الاقوي طبعا..لكن
تحت هدومة بيختفى مرض ملعون
احنا كمان هدومنا مدارية بلاوي..
اكتر و يمكن اغلب مشاكلنا فى الحياة متعلقة ب اننا شايفين نفسنا فى حجم اكبر من الحقيقى
علشان كدة احنا ضايعين ومش عارفين نوصل لأي حتة
لازم نعترف كلنا اننا مش كاملين بالرغم من قوتنا البشرية او المادية او حتى البدنية
كل ده مش بيدل على الكمال...مفيش كمال...مفيش درجة نهائية فى حاجة..
فاكرين الاية الى بتقول : تكفيك نعمتى لان قوتى فى الضعف تكمل؟؟
اهو ده اكبر جزء فى حياتنا لازم نوصلة
انى انا وانت وانتى نكون فى النعمة... النعمة الى مش بتوصلنا للكمال..لأا خالص
لكن بتخلينا كاملين فى المسيح...مش منغيرة..مش مع نفسنا..لكن بيه هو بس بنكون كاملين
ومع النعمة بتيجى قوة....ومع النعمة و القوة مش بنكون محتاجين حاجة اكتر من كدة...خلاص خلص الموضوع
فى الوقت ده من حياتى ومع مرورى بالضخامة دى من الاحداث الى بعدى بيها..بقول لنفسى انى اكتر حد فى الدنيا محتاج انى اعرف قيمتى جوة ضعفى
محتاج نعمة و قوة انى اكتشف امور كتير مكتشفتهاش قبل كدة
كلنا نعمان..كلنا نعمان..جوانا القوة مع الضعف.. المال مع المرض..الخطية و الرحمة الى بتيجى من ربنا علينا وجوانا...كلنا جوانا الحاجة وعكسها
كلنا عايزين ربنا و كلنا بنعمل الخطية
وكان نعمان جبار بأس ابرص..
قول لنفسك الكلام ده...اعترف انك مع كل الى انت فيه ده..برضو محتاج نعمة ربنا
اطلع برة فكرة الكمال..علشان هو بس الكامل
اعن يا رب ضعفنا و فشلنا اننا نتعلم نبص على نفسنا كويس و نبطل نعتمد على احنا مين او معانا كام او بنعرف نعمل ايه...