|
زوادة اليوم: عراف تنقّي رفقاتك
زوادة اليوم: عراف تنقّي رفقاتك بيخبّرو عن تنَين أصدقاء قرّرو يعملو رحلة لإكتشاف غابات أفريقيا. خلال الطريق واحد عم بيخبّر التاني عن بطولاتو وعن إنجازاتو وقدّيش هوّي شجاع، وبلحظة بتتوقف سيارتُن وبيضطرّو يكمّلو الرحلة مَشي على الأقدام. بيسمعو صوت غريب بيكتشفو إنّو صوت الأسد ملك الغابة، البطل والشجاع بيركض بيركب بالسيارة وبيهرُب، والتاني بيلاقي حالو قدّام الأسد يلّي بيقرّب منّو وبيوَشوشو. أكيد إنتو حابّين تعرفو شو قلّو الأسد: «من حيث المبدأ أنا كان لازم آكلك بس بدّي إنصحك نصيحة، لـمّا بدّك تقوم برحلة لأيّ محلّ لازم تعرف تختار أصدقاءك». الزوّادة بتقلّي وبتقلّك ما تصدّق كلّ يلّي بينقال لإلك، ما تصدّق كلّ يلّي بتشوفو أو بتسمعو، لازم تعرف تختار أصدقاءك يلّي ما بيتركوك بنِصّ الطريق وبوَسَط المخاطر، والله معك. https://scontent.fbey6-1.fna.fbcdn.n...4a&oe=5A157C61 |
رد: زوادة اليوم: عراف تنقّي رفقاتك
ما تصدّق كلّ يلّي بينقال لإلك، ما تصدّق كلّ يلّي بتشوفو أو بتسمعو، لازم تعرف تختار أصدقاءك يلّي ما بيتركوك بنِصّ الطريق وبوَسَط المخاطر، والله معك. ربنا يبارك خدمتك |
رد: زوادة اليوم: عراف تنقّي رفقاتك
ما تصدّق كلّ يلّي بينقال لإلك، ما تصدّق كلّ يلّي بتشوفو أو بتسمعو، لازم تعرف تختار أصدقاءك يلّي ما بيتركوك بنِصّ الطريق وبوَسَط المخاطر، والله معك. رووووووووووعة حببتي ربنا يفرح قلبك |
رد: زوادة اليوم: عراف تنقّي رفقاتك
شكرااا على المرور الغالي أخوتي الحبايب
|
| الساعة الآن 09:46 PM |
Powered by vBulletin® Copyright ©2000 - 2025