منتدى الفرح المسيحى

و لما بنتعرض لأزمة في علاقتنا ..بنفاضل بين حاجتين
نتصادم ..و نتخانق و نتصارح ..و نهدد اماننا ..لأننا لو اتصارحنا بجد ..ممكن نخسر بعض ..او نقرب اكتر
ولا نتخانق من برة و بس ..و نعديها بسرعة ..علشان نتطمن..و نضحك علي انفسنا ..قال يعني وصلنا لحل وسط
كل واحد بيختار ..علي حسب اساس الامان الداخلي بتاعه
انت اللي بتقرر ..تخاطر ..و تصارح شريك حياتك ..لحد فين
المشكلة اننا ..لما بنتسرع في فض الخلاف..بسبب خوفنا
خوفي من خسارتك..خوفي من الوحدة
و بنأجل ..كل الخوف ..و كل الصراع ..لبكرة
مش مهم ..المهم اني انام في حضنك النهاردة
و بكرة يحلها حلال
و بنحوش جوانا رفض ..و تبعد المسافة
و نتفاجئ ..بالبعد المفاجئ
و الهجر المفاجئ
و يروح الامان ..و تروح الفرحة اللي كنا بنحاول نلصم فيها
بقالنا سنين !!