منتدى الفرح المسيحى

يا مصر
الكل بيناديكي وبإيدنا نعلي فيكي
ودايما بنلاقيكي احلى البلاد يا مصر
طيور هاجرت لأرضك
وجنود حاربت لعرضك
وفداكي والله جندك
لجل تعيشي يا مصر
أرضك أرض الجدود
حبك مالهوش حدود
نبني عليكي السدود
ونعلي بيكي يا مصر
نيلك خيره علينا
وانتي نيني في عنينا
ودايما هتلاقينا
أوفى الولاد يا مصر
يا مصر مين ينساكي
ومين ينسى حماكي
انا أسير هواكي
وتراب أرضك يا مصر
تراب أرضك أساس
نبني فوقيه الأساس
وانتي اصلا اساس
كل البلاد يا مصر
طول ما انا عايش هحبك
وإن مت في قلبي حبك
وان قلبي مات في حبك
يبقى شهيدك يا مصر
وختامي هقول سلامي
وده مش آخر كلامي
ومهما تذيد الامي
هفضل أحبك يا مصر