منتدى الفرح المسيحى - إشباع الجموع

وسائل إيضاح:

فكرة ١:
ممكن ترسم على ورق كرتون ملون الخمس خبزات بس تكون ملزقهم مع بعض وتكون راسم اكتر من الخمس خبزات بس مخبيهم وراهم واول ماتقول ان ربنا بارك فى الخمس خبزات تفرد الورق كله فيبان ان الخبز اصبح كتير (تكونى عاملها زى العقد كله ملزوق فى بعض ومش موضح غير الخمس خبزات بس فى الاول ) وكذلك فى السمك.

فكرة ٢:
مثل انك وصلتك رسالة من ولد صغير قد الأولاد، محتار في موقف و مش عارف يعمل إيه: (إدي خلفية القصة) مامته إديتله ٥ خبزات و سمكتين الصبح، و دة كل الأكل اللي معاه. جم التلاميذ بيقولوله إن بابا يسوع عايزهم منه... يا ترى يدي كل الأكل بتاعه لبابا يسوع و لا لأ؟

فكرة3:
٥ صفحات كل واحدة عليها صورة ٢٠٠ وش ... ابتدي اسألهم: تفتكروا دول كام واحد؟ طيب تخيلوا كدا لو عايزين نجيب أكل لكل الناس دي، هانحتاج أد إيه؟ يعني مثلا لو ماما عاملة عزومة فيها ... شخص، وعايزة تعملهم سمك، هاتجيب كام سمكة؟ طيب لو أكتر... و زود الرقم لغاية ٥٠٠٠ علشان الأولاد يفهموا إن دة رقم كبير قوي و محتاج أكل كتير جدا، و بعدين ابتدي احكي القصة.