منتدى الفرح المسيحى

عزيزى الشاب إللي بتقول أنا مش عايز أتقدم عشان خايف أتقدم لحسن أترفض،
ما تتقدم و تترفض!
ماهي دي لعبة الحياة. ده الجزء بتاعك في صعوبة الزواج.
الجزء بتاع الفتاة علي فكرة أصعب بكتير.
هي ما تقدرش أصلا تتقدم. هي بتبقي قاعدة مستنية حد يتقدم لها.
انت عندك رفاهية أن أنت تبادر وتتقدم وتختار، فلازم تتحمل أنك تترفض. الرفض الغير مباشر أو الرفض السلبي إللي بتتعرضله الفتيات لما تقعد سنين طويلة محدش يختارها أو يتقدم لها، أعمق و أصعب بكتير من أنك تتقدم و تترفض.
اتقدم و اترفض، هييجي يوم تتقبل. و ألم انك تترفض مرتبط كمان برفاهية أنك بتقدر تختار و تتقدم.
صحة العلاقات و خاصة في الزواج رافد مهم جداً و فرع لا يمكن الاستغناء عنه في النضج الروحي و النفسي و صحة الحياة الإنسانية.