منتدى الفرح المسيحى - كل الطرق تؤدى الى روما

https://upload.chjoy.com/uploads/1502113125171.jpg

مصر رايحة على فين يا سيدنا ..

مصر جاى عليها ..
اوقات حلوة خالص ..
وفيه خير كتير جى هنشوفه ..
ومستقبل مصر فعلا مشرق ..

طب يا سيدنا ..
الشعب دلوقتى تعبان ..

طب انا هاحكيلكو من التاريخ ..
اكتر امبراطورية عاشت تحكم العالم ..
الإمبراطورية الرومانية ..

وده كان بسبب خطتهم فى انشاء طرق ..
لتسهيل الوصول لأى مكان ..
والانتقال لأى مكان ..

وعارفين ان ده كان السبب ..
ورا مثل شهير كلنا حافظينه ..
بس مش عارفين ان ليه اصل تاريخى ..

"كل الطرق تؤدى الى روما"

خلونى اقول لكم على حاجة كمان ..
سهل جداً انهاردة ..
ان بكل الفلوس اللى معانا ..
نجيب اكل وناكل ..
وساعتها كلنا هننبسط ..

بس بكرة هنعمل ايه؟؟؟؟ ..

هنجوع بجد ..
ومش هيبقى معانا اللى نعمل بيه اى حاجة ..

شبكات الطرق اللى بتحصل فى البلد ..
دى خطة طويلة المدى ..
يمكن مش كل الموجودين حاليا هيحسوا بيها ..

بس ده لمستقبل اولادنا واحفادنا ..

انتو متخيلين ..
الوضع اللى احنا فيه دلوقتى ..
مقارنة بالوضع اللى فات ..

عارفين كام برج كهربا اتفجر ..
عارفين كام كنيسة اتفجرت ..
عارفين كام قسم شرطة اتحرق ..
عارفين كام مبنى حكومى اتدمر ..
عارفين كام جبهة ارهاب بنحارب فيها ..

احنا فعلا دولة قوية ..
اننا نوصل للى احنا فيه ..
بعد كل اللى مرينا بيه ..

بس احنا لازم نصبر ونصلى ..

والكنيسة بتصلى فعلا ..
للبلد ولرئيس البلد ..
ايا كان هو مين ..

الوطنية والانتماء مش شعارات وكلام ..
الوطنية فهم للواقع وصبر لتحقيق الأحلام ..