منتدى الفرح المسيحى - زى البيت المنكس

زي البيت المنكس
اللي واقف مايل علي عمدان خشب
السكان هجروه لخطورته
و الحي مش راضي بازالته
مهجور ..مأوي لغربان الليل
و الجريمة و المخدرات
لما القلب يكون مسنود علي عمدان خشب
لما يكون في علاقة اعتمادية
لما يكون مايل ..بين الحياة و الموت
فقد المتعة ..و كل فترة يقع منه قالب طوب كبير
و نقول خلاص ..ده جاب اجله
لما تكون في علاقة مهدده بالانهيار في اي لحظة
و السكان و الاصحاب هجروا القلب
و العقل مش راضي بازالة قلبك من وسط العك
لما بتبقي جدران قلبك ..الحيطة المايلة..
يا تهده ..و تبنيه علي نضافة
يا ترممه و ترضي بقليله