منتدى الفرح المسيحى - كيف تعرفي انك تجاوزتي الخمسين ربيعا ...

منتدى الفرح المسيحى (https://www.chjoy.com/vb/index.php)

- بيت على الصخر (https://www.chjoy.com/vb/forumdisplay.php?f=108)

- - كيف تعرفي انك تجاوزتي الخمسين ربيعا ... (https://www.chjoy.com/vb/showthread.php?t=501280)

كيف تعرفي انك تجاوزتي الخمسين ربيعا ...

https://upload.chjoy.com/uploads/1500790874471.jpg

كيف تعرفي انك تجاوزتي الخمسين ربيعا ؛

لما تلاقى ابنك باعت لك ماسيج مش فاهمة نص كلامها !!!!!!
لما تلاقى نفسك بتفتحي كل اودة تشوفي حد من ولادك يمكن تلاقيه !!!!!
لما تطبخى من غير ماتدوقى الاكل !!!!
لما تطفى النار من غير ماترفعى الغطا لانك عارفة انه استوى !!!!!!
لما تردى على زوجك من غير مايسأل لانك عارفة حايقول ايه !!!!!!
لما يكون كل همك انه جاى امتى مش كان فين !!!!!
لما ممكن تقعدوا مع بعض ساعتين من غير ماتنطقوا و بالرغم من كده تعرفى كل حاجة !!!!!!!

لما ابنك يقول لك :ماما ...تردى :لأ !!!!!!!!!!!!!!!!!
و لما يقولك هو انتى عارفة حاقول ايه ...تقولى :آه !!!!!
و تطلعى فعلا عارفة الموضوع ..

لما تعملى لنفسك كوب شاى و لبن بدل الشاى بس !!!!!
لما الكومودينو بتاعك يبقى عليه علب ادوية بتاخدى منها كل يوم !!!!!
لما كل ماتقومى تصبح الجملة الخالدة :آه ياضهرى !!!!!!!
لما تلاقى نفسك بقيتى اقصر واحدة فى البيت !!!!!!!!!!
لما كل شوية تفتكرى لحد من ولادك حاجة من 20 سنة !!!!!!

لما كل اللى تحت التلاتين يقولوا لك ياطنط و ماتستغربيش !!!!!!!!!!!!!!!!
لما ببساطة تقولى لواحد اطول منك :ماشى يابنى ياحبيبى !!!!!
و هو مايستغربش :) !!!!!!!!!!!!!!!!!!!!
لما كل هدية يجيي لك يصبح التفكير فيها :تنفع لمين من الولاد !!!!!!!!
لما تبطلى قلق على السعرات اللى بتاكليها !!!!!!!!!!
بس تقلقى من ان يجيلك حموضة و انت نايمة !!!!!!!!!!!!!
لما و انت بتعدى الشارع :كل تفكيرك فى ارتفاع الرصيف !!!!!
لما تحسى ان كل شاب بتقابليه هو ابنك و العجيبة انه فى نفس الوقت حاسس انك امه !!!!!!!
لما نروح فرح او مناسبة و نلاقى الناس هى اللى جاية تسلم !!!!!

ساعتها ...ساعتها ...تعرفي انك عديتي الخمسين