منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قصص مسيحية متنوعة (https://www.chjoy.com/vb/forumdisplay.php?f=42)
-   -   التسرع - الخسارة - الخزي (https://www.chjoy.com/vb/showthread.php?t=500255)

walaa farouk 17 - 07 - 2017 12:34 AM

التسرع - الخسارة - الخزي
 

من فترة كبيرة دارت محادثة بين حاملة طائرات امريكية و بين موجة الطوارئ الاسبانية عند مضيق جبل طارق و فيها حصل ان كابتن حاملة الطائرات بيكلم الاسبان على الموجة و طلب منه انه يعدل اتجاهه 15 درجة علشان هيخبطوا فى بعض فا الاسبان قالولهم عدلو انتو اتجاهكم.
فا القبطان الامريكي قالو لا كلامك مش مقنع و انت الى تحول اتجاهك علشان منخبطش فى بعض.
فا الاسبان قالولو : بصراحة احنا مش هنقدر نتحرك من طريقنا فا انت غير طريقك والا هتخبط فينا
فا الكابتن الامريكي بقى رد و قالو : بقولك ايه: احنا تاني اكبر حاملة طائرات فى الاسطول الامريكي و فى اتجاهنا للعراق علشان نعمل عملية حربية هناك و معايا مدمرات و غواصات و سفن حربية و طرادات و سفن دعم و لو متحركتش من مكانك فا انا بديلك امر انك تبعد عن طريقنا او انى هضطر انى اتصرف معاكم تصرف يضمن سلامة وصول الاسطول بتاعنا للبحر الفارسي ( قصدة ممكن يضرب عليهم نار ) فا انتو بلد تبعنا المفروض فى حلف الناتو فا ابعد من طريقنا 15 درجة احسنلك!!
شوية كدة الاسبان ردو عليهم و قالولهم : احنا خوان مانوال و سالاس الكانترا . احنا شخصين و معانا الكلب بتاعنا و اكلنا و ازازة خمرة و عصفور كناريا نايم حاليا :d فا احنا مش هنتحرك من مكاننا خالص ببساطة لانا بنكلمكم من ارض يابسة فى وسط البحر لاننا احنا منارة مراقبة بحرية فى وسط البحر على جزيرة ثابتة بالصخور و شوف انت عايز تعمل ايه علشان تحمى اسطولك من انها تخبط في الجزيرة الى احنا فيها و احنا من بدرنى بنقولك غير مسارك 15 درجة علشان هنخبط فى بعض و هتخبط فى صخور الجزيرة اصلا ههههههه
بعدها علطول الكابتن الامريكى قالو : تمام علم اوك
- جزء كبير اوى من الاخطاء الفظيعة الى بنقع فيها هى اننا بنحكم على الامور قبل فهمها.. ندى تهديد و وعيد و تحذيرات للناس و خصوصا المقربين مننا و فى الاخر التسرع بيخسرنا و يخلى شكلنا و حش فى الاخر زى ما حصل مع الكابتن الامريكي الى مش عارف يميز بكل التكنولوجيا بتاعة ان الهدف الى قدامة مركز او جزيرة فا اتسرع و خسر و شكلة كان بايخ اووى و فى الاخر نفذ تعليمات منارة المراقبة الى فا وسط المية على الجزيرة
محتاجين ننتظر اوى قبل ما نحكم على حد و ننتفض ضد بعض ونحكم بدون اى خلفية وفى الاخر بنخسر و شكلنا بيكون وحش اوى
سفر الامثال بيقول : مالك روحة خير ممن يأخذ مدينة
نفكر صح و نهدى فى افكارنا و احكامنا

Mary Naeem 17 - 07 - 2017 11:56 AM

رد: التسرع - الخسارة - الخزي
 
سفر الامثال بيقول : مالك روحة خير ممن يأخذ مدينة
نفكر صح و نهدى فى افكارنا و احكامنا
ربنا يبارك حياتك

walaa farouk 17 - 07 - 2017 09:54 PM

رد: التسرع - الخسارة - الخزي
 
ميرسى على مرورك الغالى مرمر :)


الساعة الآن 02:40 PM

Powered by vBulletin® Copyright ©2000 - 2025